"Tottenxem" "MYu" darvozasiga aniq zarba yo'llay olmadi

Angliya Premer-ligasi 10-turidan o'rin olgan uchrashuvda "Tottenxem" "Manchester Yunayted"ga yutqazdi (0:3).

O'yin davomida londonliklar "Manchester Yunayted" darvozasiga olti bor zarba yo'llagan bo'lsa, birorta ham zarba De Xea qo'riqlayotgan darvozaga aniq etib bormadi.

Bunday holat "Tottenxem"da 2013 yildan buyon birinchi marta sodir bo'ldi. O'sha vaqtda "Liverpul"ga qarshi bahsda (0:5) ham "shporlar" aniq zarba amalga oshira olmagan edi.

Nunu Eshpiritu Santu shogirdlari APL turnir jadvalida 15 ochko to'plagan holda 8-o'rinda borishmoqda.