«Tottenxem» 8 yillik antirekordini takrorladi

Londonning «Tottenxem» klubi APL 10-turi doirasida «Manchester Yunayted»ga yutqazdi (0:3).

Bu o'yinda London klubi futbolchilari raqib darvozasiga birorta ham aniq zarba berisholmadi. «Tottenxem» jami 6 marta darvozaga zarba yo'llagan, biroq ular mo'ljalga etib bormagan.

Bu «Tottenxem»ning 2013 yil dekabridan beri o'z maydonida o'tkazgan ilk noxush o'yini hisoblanadi. Londonliklar o'shanda «Liverpul»ga yutqazishgandi (0:5).

Ushbu bahsdan so'ng Nunu Eshpiritu Santu shogirdlari 15 ochko bilan Premer-ligada 8-o'rinni egallab turishipti.