"Milan" "Marsel" etakchisi bilan shartnoma imzolamoqchi

"Rossonerilar" rahbariyati "Marsel" jamoasi yarim himoyachisi Bubakar Kamara bilan shartnoma imzolamoqchi. Bu haqida "Calciomercato" nashri xabar berdi.

Ma'lumotlarga ko'ra, 21 yoshli yarim himoyachi "Marsel" bilan amaldagi shartnomasini yangilamoqchi emas. Uning klub bilan tuzgan kelishuvi 2022 yilning iyunigacha amal qiladi. Frantsiya klubi rahbariyati futbolchining jamoani tark etishidan foyda olmoqchi va unga qiziqayotgan "Milan" bilan muzokaralarni boshlashga tayyor.

Bu mavsumda Kamara "Marsel" uchun 11 o'yin o'tkazib, 1 gol urdi. Transfermarkt portali futbolchining narhini 28 million evroga baholagan.