«71 kilo Shahramga og'irlik qildi». Mutaxassis G'iyosov - Shimbergenov jangiga sharh berdi

«neKARAte» Youtube-kanali Belgradda 71 kg. vazn toifasida bo'lib o'tgan Shahram G'iyosov va Aslanbek Shimbergenov o'rtasidagi jangga sharh berdi.

"Birinchi soniyadan jang oxirigacha intriga saqlanab turdi. G'iyosovga bu jangi uchun muxlislar mehri sovrinini berish kerak. Shahram anchadan beri professional boksda ishtirok etmoqda. Uning jang uslubi professional bokschiga mos edi: u shoshmadi, o'z imkoniyatini kutdi va ikkinchi raundda Aslanbekni bir necha marta "silkitdi". Shimbergenov Shahramning zarbalarini yaxshigina his qildi.

Shimbergenov esa tartibli, texnikasi yuqori jangchi ekanini isbotladi. U vaziyatni yaxshi o'qiydi va ringda nima ro'y berayotganini tushunadi. Shu bois, u bilan hazillashib bo'lmaydi. Shahram uchun 71 kg. ko'plik qildi, u profida 63 kiloda ishtirok etadi. Boz ustiga, bu havaskor boks. Aslanbek bundan yaxshi foydalandi: oldi qo'li bilan Shahramni masofada ushlab turdi va o'q atrofida aylandi.

Shahram ajoyib mahorat namoyish etdi. Ikkinchi bo'limda u rostmana sportcha g'azab otiga mindi va raqibini nokautga uchratishga tayyor edi. Agar jang 10-12 raund davom etganida, G'iyosov buni uddalardi. Ammo bu erda bor-yo'g'i 3 raund bor va unda barcha narsaga ulgurish kerak. Bundan tashqari, o'zbek bokschisi pastroq vazn toifasida ishtirok etganida imkoniyati ko'proq bo'lardi. 71 — haddan tashqari ko'p. Amalda esa qozoq bkoschisi raundlarni osonlik bilan o'z foydasiga hal qildi. Hakamlarga hech qanday e'tiroz yo'q. Ringda jang emas, ikki birodar o'rtasidagi sport bo'ldi", — dedi kanal muallifi.