«Real» Solarini iste'foga chiqarish haqida o'ylayapti

Madridning “Real” klubi jamoa bosh murabbiyi Santyago Solarini iste'foga chiqarishi mumkin. Bu haqda Tribalfootball nashri xabar bermoqda.

Manbaning xabariga ko'ra, qirollik klubi vakillari Solarining ishidan qoniqish hosil qilishmayapti. Bunga asosiy sabab o'z maydonida TsSKAga yirik hisobda yutqazganligi bo'lib turipti. Shuningdek, ularning fikricha argentinalik murabbiy asosiy tarkib tanlashda ham xatoga yo'l qo'ymoqda.

Eslatib o'tamiz, “qaymoqranglilar” Solari qo'l ostida 11 ta o'yinda 9 marta g'alaba qozondi va 2 marta yutqazdi.