"As-Sadd" Xavi borasida rasmiy bayonot berdi

"As-Sadd" jamoa bosh murabbiyi Xavi "Barselona"ga ketishi mumkinligi haqidagi yangiliklarga rasmiy bayonot berdi.

"So'nggi paytlarda tarqalgan xabarlarga javoban, "As-Sadd" rahbariyati Xavining klub bilan ikki yillik shartnomasi borligini va bor e'tiborini jamoaning bo'lajak o'yinlariga qaratganini tasdiqladi. Maqsad – ligadagi peshqadamlikni saqlab qolish va chempionlikni himoya qilish”, — deya yozdi Qatar klubi rasmiy Twitter sahifasida.

Oldinroq ispan OAVlarida Xavi "Barselona" bilan kelishib olgani haqida xabarlar tarqalgandi.