UzBarca.Com - Barcelona Uzbekistan!
So'ngi transfer yangiliklar

APLDa Sulsherning taqdirinin Son Xin Min va Keyn aniqlashtirib beradimi? La Liga. «Real Madrid» turnir jadvalida birinchi o'ringa chiqib oladimi?, A Seriyada Shomurodov Ibragimovich qarama-qarshiligi. Hafta oxirida bo'lib o'tadigan o'yinlar anonsi

30 Oktyabr 2021, 06:55 / Kiritdi: BestMaster Ko'rilgan: 475

Yakunlanayotgan haftada Evropaning top-5 chempionatlarida bo'lib o'tadigan o'yinlar anonsi bilan tanishing.

Angliya Premer ligasi

Angliya Premer-ligasining 10-turining shanba kungi dasturida «Tottenxem» – «Manchester Yunayted» bahsi eng markaziy qarama qarshilik hisoblanadi.

«Tottenxem» – «Manchester Yunayted»

«Shporlar»ning holati qanday?

«Tottenxem» bu haftada «Byornli»ni minimal hisobda mag'lub etib, Liga kubogi chorak finaliga yo'l oldi. Endi Nunu Eshpiritu jamoasi chempionat doirasidagi uchrashuvini o'tkazadi. To'qqizchi turdan so'ng «shporlar» peshqadam «Chelsi»dan 7 ochko ortda qolgan holda oltinchi o'rinda bormoqda. «Tottenxem» shanba kuni «Manchester Yunayted»ga qarshi bahs olib boradi.

Bu bahs Sulsherning «Manchester Yunayted» safidagi so'ngi uchrashuvimi?

«Manchester Yunayted» Angliya chempionatining so'nggi turida o'z maydonida «Liverpul»ga 0:5 hisobida imkoniyatni boy berib, sharmanda bo'ldi. Aftidan, Ole-Gunnar Sulsherning hech narsasi uni ishdan bo'shatishdan qutqara olmasdi, ammo u hamon jamoada ishlashda davom etdi. Shanba kuni «qizil iblislar» «Tottenxem»ga qarshi o'ynaydi va 3 ochkoga ega chiqqishi kutilmoqda. Aks holda, bu uchrashuv norvegiyalikning so'ngi o'yini bo'lishi mumkin.

Statistika

- Premer-liga davrida «Tottenxem» «Manchester Yunayted»ga 36 ta mag'lubiyatga uchragan.

- Agar Meyson Grinvud ushbu o'yinda gol ursa, u Ueyn Runidan keyin Premer-ligada «MYu» safida mehmonda 10 ta gol urgan klubning eng yosh futbolchisi bo'ladi.

- Krishtianu Ronaldu joriy mavsumda «Manchester Yunayted» safida APLdagi dastlabki ikkita o'yinida 3 ta gol urdi. O'shandan beri portugaliyalik liganing to'rtta o'yinida gol ura olmadi. Ronaldu oxirgi marta 2017 yilda «Real Madrid» safida to'p surgan paytda ketma-ket 4 ta o'yinni golsiz o'tkazgan. Agar shanba kuni Krishtianu yana gol ura olmasa, bu 2008 yildan beri milliy chempionatdagi eng yomon natijasi bo'ladi.

Tur doirasidagi qolgan uchrashuvlar.
Angliya Premer ligasi
10-tur
30.10.2021
Lester - : - Arsenal|16:30

Bernli - : - Brentford|19:00

Liverpul - : - Brayton|19:00

Manchester Siti - : - Kristal Pelas|19:00

Nyukasl - : - Chelsi|19:00

Uotford - : - Sautgempton|19:00

Tottenxem - : - Manchester Yunayted|21:30

31.10.2021
Norvich - : - Lids|19:00

Aston Villa - : - Vest Xem|21:30

01.11.2021
Vulverxemton - : - Everton|01:00

Ispaniya La Ligasi

Ispaniya chempionatining 12-tur uchrashuvlaridan birida «Elche» o'z maydonida «Real»ni qabul qiladi. Ertangi bahsda maydon egalari Madrid grandiga qarshilik ko'rsatishga qodirmi?

«Elche» – «Real Madrid»

«Elche» g'alabasiz seriyasiga chek qo'yadimi?

«Elche» o'z ochkolari bilan 15-o'rinni egallab, quyi liga zonasi yaqinida turibdi. Dastlabki uch turda jamoa «Espanol»ga qarshi 2:2 hisobida durang o'ynab, bor-yo'g'i bitta ochkoni qo'lga kirita olgandi. Bundan tashqari, «Rayo Valekano»dan 1:2, «Alaves»dan 0:1 hisobida mag'lubiyatga uchragan. Salbiy natijalar boshlanishidan avval «Elche» hozirgacha ikkita g'alabani qo'lga kiritgan. Birinchisi 4-tur o'yinida «Xetafe»ni mag'lub etgan bo'lsa, keyinchalik «Selta»ni 1:0 hisobida engib, joriy chempionatda ikkinchi g'alabasini qo'lga kiritdi.

«Real Madrid»

Madrid klubi o'n ikkinchi turga qadar peshqadam bo'lib chiqish uchun ajoyib imkoniyatga ega bo'ldi, biroq o'tgan turda Anchelotti shogirdlari o'z maydonida «Osasuna»ni mag'lub eta olmadi (0:0). Avvalgi turda «qaymoqranglilar» «Barselona»ni 2:1 hisobida mag'lub etgandi. «Elche»ga qarshi qarama-qarshilik oldidan «Real» hisobida 21 ochko bilan ikkinchi o'rinni «Sevilya» va «Betis» bo'lishib turgan bo'lsa, «Real Sosedad» 24 ochko bilan La Liga etakchisi bo'lib turibdi.

Statistika va raqamlar:

    «Elche» uch turdan beri g'alabasiz seriya qayd etmoqda;
    «Real Madrid» so'nggi to'rt turning ikkitasida g'alaba qozondi;
    «Real» hali «Elche»ga yutqazgani yo'q: 5 g'alaba va durang.

Italiya A Seriyasi

Italiya Chempionatining 11-turi eng markaziy uchrashuvlaridan biri «Roma» – «Milan» jamoalari o'rtasida o'tkaziladi.

«Roma» – «Milan»

Joze Mourino shogirdlari mavsumni bir tekisda o'tkaza olmayapti. Ularning oxirgi 5 uchrashuvi statistikasiga e'tibor beradigan bo'lsak, «bo'rilar» ikki g'alaba, ikki mag'lubiyat va bir durang qayd etgan. «Roma» o'tgan turda «Kalyari» maydoniga safar uyushtirib, irodali tarzda 2:1 hisobida g'alaba bilan ortga qaytdi. Pellegrinining jarima zarbasidan kiritgan goli, Mourino va uning jamoasiga 3 ochko taqdim etdi. Ushbu g'alabadan so'ng, Rim klubi hisobidagi ochkolar soni 19taga etdi va turnir jadvalida 4-o'rindan joy oldi.

«Milan»

Chempionlar ligasida omadsiz uchrashuvlar o'tkazayotgan «Milan»ning A Seriyadagi ishlari yaxshi ketmoqda. 11-turgacha «rossonerilar» hisobida 28 ochko bor. Pioli shogirdlari 10 turda 9 g'alaba va 1 durangni qayd etgan bo'lib, Italiya chempionati turnir jadvalida 2-o'rindan joy olgan. Milan klubi «Napoli» bilan bir xil ochko to'plagan. O'tgan turda «qora-qizillar» o'z maydonida «Torino» ustidan 1:0 hisobida g'alaba qozondi.

O'zaro uchrashuvlar

Mazur jamoalar A Seriya doirasida 27 uchrashuv o'tkazgan bo'lib, ushbu bahslarning 11ta uchrashuvda Rim klubi, 7 marta Milan klubi g'alaba qozongan. 9ta bahsda esa tomonlar bir ochkodan qo'lga kiritgan. Oxirgi 5 bahsga natijalarga e'tibor beradigan bo'lsak, «San siro» egalari 3ta uchrashuvda g'alaba qozongan bo'lib, bir marta Mourino shogirdlari ustun kelgan. Bir uchrashuv esa durang bilan yakunlangan.

Germaniya Bundesligasining o'ninchi turidan o'rin olgan qiziqarli uchrashuvlardan birida bizni «Union Berlin» va «Bavariya» o'rtasidagi qarama-qarshilik kutib turibdi. O'yin 30 oktyabr kuni Toshkent vaqti bilan soat 18:30da «An der Alten Forsteray» stadionida bo'lib o'tadi.

«Union Berlin» – «Bavariya»

«Union» evrokubok yo'llanmasiga ega chiqadimi?

Fisher jamoasi ketma-ket ikkinchi mavsumda ajoyib futbol ko'rsatmoqda. Bu jamoada yorqin yulduzlar yo'q, ammo berlinliklar jamoaviy o'yinlari va futbolchilarning jamoaga bo'lgan sadoqati bilan mashhur. Mavsum startini «Union» ajoyib boshladi va uzoq vaqt hech qaysi jamoaga yutqazmadi. Oxirgi paytlarda jamoada barqarorlik etishmayapti, ammo poytaxt klubi hali ham evrokuboklar zonasida. Kubokda ham «Manxaym»ni qo'shimcha daqiqalarda mag'lub etib, keyingi bosqichga chiqishga muvaffaq bo'ldik.

«Bavariya»

Nagelsmann boshchiligidagi «Bavariya» o'z o'yini bilan muxlislarni xursand qilayotgan bo'lsa, Myunxen klubi Superkubokni qo'lga kiritgan va har bir raqibini yirik hisobda mag'lub etib kelmoqda. Qolaversa, Chempionlar ligasida ham o'zini ishonchli tarzda ko'rsatmoqda. Chempionatda esa myunxenliklar shu paytgacha bor-yo'g'i bir marta mag'lubiyatga uchragan va turnir jadvalida birinchi o'rinda bormoqda. Oxirgi o'yinda «Bavariya» kutilmaganda Menxengladbaxning «Borussiya»siga 0:5 hisobida imkoniyatni boy berib, kubokni juda erta tark etdi.

Statistika va raqamlar

Bu jamoalar o'rtasidagi so'nggi o'yinda 1:1 hisobidagi durang qayd etilgandi.

«Union» «Bavariya»ga qarshi beshta o'yinda umuman g'alaba qozona olmagan.

Poytaxt klubi so'nggi beshta o'yinda atigi ikki marta «Bavariya»ga mag'lub bo'lishgan.

Tur doirasidagi qolgan uchrashuvlar.
Germaniya Bundesligasi
11-tur
Germaniya Bundesligasi

29.10.2021
Xoffenxaym - : - Gerta|2:0

30.10.2021
Arminiya - : - Maynts|18:30

Frayburg - : - Groyter|18:30

Union Berlin - : - Bavariya|18:30

Bayer - : - Volfsburg|18:30

Borussiya D - : - Keln|18:30

Ayntraxt F - : - RB Leyptsig|21:30

31.10.2021
Augsburg - : - Shtutgart|19:30

Borussiya M - : - Boxum|21:30

Frantsiya Liga 1

Frantsiya chempionati doirasidagi kunning eng markaziy uchrashuvi kecha o'tkazildi. O'tgan mavsum Liga 1 oltin medallarini qo'lga kiritgan "Lill" safarda "PSJ"ga qarshi maydonga tushdi. Qiziqarli kechgan uchrashuv Messi va uning jamoadoshlari foydasiga hal bo'ldi.

29.10.2021
PSJ - : - Lill|2:1

Metts - : - Sent-Eten|20:00

Lion - : - Lans|00:00

31.10.2021
Anje - : - Nitstsa|17:00

Trua - : - Renn|19:00

Strasbur - : - Loryan|19:00

Monpele - : - Nant|19:00

Bordo - : - Reyms|19:00

Brest - : - Monako|21:00

Klermon - : - Marsel|00:45

Jamshidjon Mahmudov tayyorladi

Manba: Stadion.uz