"Chelsi"ning to'rt nafar futbolchisi "Nyukasl" bilan o'yinni o'tkazib yuboradi

"Chelsi" vingeri Kristian Pulishich, yarim himoyachi Mateo Kovachich hamda hujumchilar Timo Verner va Romelu Lukaku APL 10-turidan o'rin olgan "Nyukasl" jamoasiga qarshi o'yinda maydonga tushmaydi. Bu haqida jurnalist Fabritsio Romano xabar berdi.

Pulishich mashg'ulotlarga qaytdi, lekin hali o'ynashga tayyor emas. Kovachich, Verner va Lukaku FIFA kunlaridan so'ng safga qaytish kutilmoqda.

Eslatib o'tamiz, "Nyukasl" – "Chelsi" uchrashuvi bugun, 30-oktyabr Toshkent vaqti bilan 19:00 da start oladi.