Varan «Tottenxem» bilan uchrashuvga tayyor

Frantsiyalik himoyachi Rafael Varan ertaga «Manchester Yunayted»ni «Tottenxem»ga qarshi muhim o'yinga tayyor. Mazkur uchrashuv jamoa bosh murabbiyining kelajagini belgilab berishi mumkin.

Sulsher «Liverpul» bilan so'nggi o'yinda (0:5) to'g'ridan-to'g'ri qizil kartochka olgan Pol Pogba yordamidan foydalana olmaydi. Ammo, boshqa tomondan yana bir frantsuz xizmatga qaytdi - Rafael Varan. Buni norvegiyalik mutaxassis shaxsan tasdiqlagan. Himoyachi umumiy guruhda bir haftaga yaqin mashg'ulot o'tkazib, jismoniy tayyorgarligi darajasini namoyish etdi.

Eslatib o'tamiz, Varan UEFA Millatlar ligasi finalidagi Ispaniya terma jamoasiga qarshi o'yinda jarohat olgandi.