Zidan Neymar, Messi va Mbappega ustozlik qilishi mumkin

«Real»ning sobiq bosh murabbiyi Zinedin Zidan «PSJ»ni boshqarishi mumkin, deya xabar beradi jurnalist Santi Auna. Eslatib o'tamiz, avvalroq «PSJ» rahbarlari Zidanni taklif qilishga uringan, biroq frantsiyalik mutaxassis  rad javobini bergandi.

Aytish joizki, ayni damda jamoani Maurisio Pochettino boshqarmoqda va hozircha unga hech narsa tahdid solayotgani yo'q, chunki klub yaxshi natijalarni ko'rsatmoqda.

Biroq Zinedin Zidan «qizil-ko'klar»ning navbatdagi ustoziga aylanishi mumkin.

Parijliklar navbatdagi o'yinini bugun «Lill»ga qarshi o'tkazadi.