Hafta oxiridagi so'ngi yangiliklar. Ronaldu Sulsherni qutqarib qoldi, Xavi «Barselona»ning yangi murabbiyi(mi?), Konte Fribgarlikda ayblanmoqda

«Barselona»ni kim boshqarishi, Krishtianu Ronaldu murabbiyni ishdan bo'shatishdan saqlab qolganligi, «Oltin to'p-2021»ning yangi egasi kim?, Belgraddagi boks bo'yicha jahon chempionatida natijalarimiz qanday? «Stadion.uz» nashri ushbu hafta boshidan beri kun sarlavhalaridan tushmay kelayotgan xabarlar haqida to'xtalib o'tmoqchi.

«Barselona»ning yangi murabbiyi

Ronald Kuman ishdan bo'shatildi va «Barselona» bosh murabbiyi lavozimi hozircha bo'sh qolmoqda. Mish-mishlarga ko'ra, so'nggi yillarda «As-Sadd» bilan birga ishlayotgan Xavi «ko'k-anorranglilar»ni qabul qiladi. Mish-mishlarga ko'ra, Qatar klubi Xavini tovon to'lamasdan ham, yana bir hafta ishlashi sharti bilan «Barselona»ga qo'yib yuborishga tayyor.

OAVda Xavining «Barselona»ga «ha» deb javob bergani va hattoki jamoa ishlarini o'rganishga kirishgani aytilmoqda. Aytishlaricha, yosh murabbiy allaqachon prezidentga to'p bilan yaxshi ishlaydigan markaziy himoyachi bilan shartnoma imzolash zarurligini aytgan. Xavi «Manchester Siti»dan Raxim Sterlingni, hamda «Bavariya» futbolchisi Kingsli Komanni klubga taklif qilmoqchi.

«Oltin to'p»ni kim oladi?

Yil yakunidagi eng yaxshi futbolchi uchun beriladigan nufuzli individual mukofot - «Oltin to'p» roppa-rosa bir oydan keyin Parijda topshiriladi. Bir necha kun avval ijtimoiy tarmoqlarda go'yoki yakunlangan ovoz berish natijalari aks ettirilgan fotosurat tarqaldi. Suratga qaraganda, Robert Levandovski 2021 yilgi «Oltin to'p»ni oladi. O'tgan yili pandemiya tufayli mukofot berilmagan, polyak futbolchisi esa 2020 yilda bu mukofotga loyiq edi. «Bavariya» hujumchisi bu yil qo'lga kirita oladimi? Ko'ramiz.

 
Ronaldu murabbiyni ishdan bo'shatishdan saqlab qoldi

Ole-Gunnar Sulsherni «Liverpul»ga qarshi o'yindan so'ng (0:5), «Manchester Yunayted»dan ketishi aniqdek ko'ringandi. Biroq norvegiyalik mutaxassis jamoa bilan ishlashda davom etmoqda. Mish-mishlarga ko'ra, bunda Krishtianu Ronaldu muhim rol o'ynagan, uning o'zi Sulsherni qo'llab-quvvatlagan va qolgan futbolchilarni murabbiy atrofida to'planishga chaqirgan. Buni kuzatib turgan «qizil iblislar» rahbariyati hozircha hech narsa qilmaslikka qaror qilishdi.

 
Konte firibgarlikda ayblanmoqda

Agar Ole-Gunnar Sulsher yaqin kelajakda iste'foga chiqarilsa, Antonio Konte «Manchester Yunayted» murabbiylik posti uchun birinchi raqamli nomzodiga aylanadi. Bir necha kun avval, Angliyada Kontening «Chelsi»ni boshqargan vaqtida transfer firibgarliklariga aloqadorligi haqida dalillar topildi. Murabbiy va uning agenti ko'plab jinoyatlarga aloqador bo'lishi mumkin, ya'ni ular bitimda ko'rsatilgan puldan ko'proq olgan bo'lishi mumkin. Hozircha hech qanday aniq dalil yo'q, ammo Konte Emersonning «Chelsi»ga o'tishdan moliyaviy foyda ko'rgani aytiladi.

Uch nafar bokschimiz boks bo'yicha jahon chempionatini tark edi

51 kg vazn toifasida Hasanboy Do'smatov 1/8 final doirasida qozog'istonlik Saken Bibossinovga qarshi ringga chiqdi. Teng kurashlar ostida o'tgan bahsda hakamlar Bibossinovni g'olib deb topishdi. Havaskor boksda ma'lum muddat tanaffus qilgan Do'smatov esa jahon chempionatini ilk bosqichda tark etdi.

86 kg. vaznda ringga ko'tarilgan Shohjahon Abdullaev juda alamli mag'lubiyatni tortdi. U belgiyalik Viktor Shelstritga qarshi jangda g'alabaga juda yaqin turgandi. Birinchi bo'limda tengkurashlar ostida kechgan bahsda hakamlarning 3 nafari ustunlikni hamyurtimizga berdi. Ikkinchi raundda Shohjahon faolllikni oshirdi va raqibga ko'plab zarbalar berdi. Natijada belgiyalik bokschi qiyin ahvolga tushib qoldi. Abdullaev bundan xotirjamlikka berildi shekilli, bo'lim tugashiga 1 soniya qolganida raqibning kuchli zarbasini o'tkazib yuborib, nokautga uchradi.

Ikki yil avval Ekaterinburg shahrida o'tkazilgan musobaqada jahon chempionligini qo'lga kiritgan Mirazizbek Mirzaxalilov AQShlik Jamol Xarveyga qarshi ringga ko'tarildi. Hamyurtimiz birinchi raundda nisbatan xotirjam harakat qilgani uchun bo'lsa kerak, hakamlar dastlabki 3 daqiqalikda ustunlikni amerikalik bokschiga berishdi. Mirazizbek ikkinchi bo'limda faollikni oshirdi va muvozanatni tikladi. Hamma narsa uchinchi bo'limda hal bo'lishi kerak edi. Hamyurtimiz ancha dadil harakat qilib, raqibga ko'plab zarbalar berdi. Yakuniy baho esa — 2:3, AQSh vakili foydasiga.

5 nafar bokschimiz keyingi bosqichda

Asadxo'ja Mo'ydinxo'jaev 1/32 bosqichda irlandiyalik Brendon Makkiverni 5:0 hisobida mag'lub etgan holda 1/16 finalga yo'l olgandi. Ushbu bosqichda Mo'ydinxo'jaev falastinlik Ahmad Hararaga qarshi ringga ko'tarildi va 5:0 hisobida g'alaba qozonib, nimchorak finalga yo'l oldi.  

-80 kg vaznda Odiljon Aslonov avtomatik ravishda 1/16 finalga yo'llanma oldi, uning raqibi tanzaniyalik Yusuf Changalavey noma'lum sabablarga ko'ra ringga chiqmadi.

-75 kg vazn toifasida Saidjamshid Ja'farov 1/32 final doirasida slovakiyalik Lukas Fernetsaga qarshi ringga ko'tarildi. Har uchala raundda faol harakat qilgan Ja'farov hakamlar qaroriga ko'ra g'alaba qozonib, Jahon chempionatining keyingi bosqichiga yo'l oldi.

O'zbekiston boks terma jamoasining eng og'ir vazndagi a'zosi Lazizbek Mullojonov jahon chempionatidagi o'zining ilk jangini o'tkazdi. Unga Puria Amiriy raqiblik qildi. Fors sportchisiga qarshi kechgan jangda bokschimiz g'alaba qozondi. Yakuniy hisob — 4:1

Bir necha daqiqa avval -52 kilogramm vazn toifasida o'z jangini o'tkazgan Shahobiddin Zoirov ham keyingi bosqichga yo'l oldi. U serbiyalik Tamir Galanovga qarshi ringga ko'tarildi va g'alabani qo'lga kiritdi. Jang 3 raund davom etdi.