Mourino «Real» futbolchisini sotib olishni talab qilmoqda

Marca nashri xabariga ko'ra, «Real» yarimhimoyachisi Daniel Sebalos «Roma» tomonidan nishonga olingan. Manbaning xabariga ko'ra, ispaniyalikning transferiga «bo'rilar» bosh murabbiyi Joze Mourinoning shaxsan o'zi qiziqmoqda.

Katta ehtimol bilan shartnoma yanvarda amalga oshiriladi va 25 yoshli futbolchining narxi 10 million evroga baholanmoqda.

Joriy mavsum doirasida yarimhimoyachi «Qirollik klubi» tarkibida birorta ham o'yinda ishtirok etmadi. Eslatib o'tamiz, futbolchi o'tgan mavsumni ijara asosida Londonning «Arsenal» klubida o'tkazgan.