Samuel Et'O «Oltin to'p»ni Messi va Benzemaga berishini aytdi

«Barselona» va Kamerun terma jamoasining sobiq hujumchisi Samuel Et'O 2021 yilning eng yaxshi futbolchisiga beriladigan «Oltin to'p» mukofotiga kim ega chiqishi haqida gapirdi. Uning fikricha, «France Football» tomonidan taqdim etildigan sovrin yana Lionel Messiga nasib etishi kerak.

«Men har doim Leoni qo'llab-quvvatlayman, uning mahorati hech qanaqasiga yo'qolib qolmagan. Messi – yaxshi inson, hamda ajoyib futbolchi. Agar u ro'yxatda bo'lmaganda, ehtimol, sovrinni Karim Benzemaga bergan bo'lardi. U Krishtianu Ronaldu ketganidan so'ng «Real Madrid»da etakchi rolini a'lo darajada bajara oldi», - dedi Et'O Marca nashriga.

Eslatib o'tamiz, ovoz berish natijalarini e'lon qilish va futboldagi eng nufuzli individual sovrinni topshirish noyabr oyining oxiriga rejalashtirilgan.