"Ayaks" darvozaboni jamoa mashg'ulotlariga qaytdi

"Ayaks" klubi darvozaboni Andre Onana payshanba kuni jamoaviy mashg'ulotlarga qaytdi. 25 yoshli Kamerun darvozaboni va klub o'rtasi sentyabr oyida yomonlashgan edi.

U klubni mavsum so'ngida tark etishi bilan bog'liq xabarlar tarqatilgan. Ammo "Ayaks" o'z futbolchisini qo'llay boshladi. Klub Onananing cheklovini 9 oygacha qisqartirilishida katta yordam bergan.

Onana doping sabab UEFA tomonidan ta'qiqqa uchragan edi. Uning amaldagi cheklovi 4 noyabrda yakunlanadi. Onana deyarli butun 2021 yilni o'tkazib yuborishga majbur bo'lgan.