MTJ lageridan noxush xabar

Terma jamoamiz hujumchisi Ivan Nagaevning eski jarohati o'rni bezovta qilgani sababli bugun kechki mashg'ulotni erta tugatdi. Bu haqda O'FA matbuot xizmati xabar bermoqda.

Terma jamoamiz shifokorining ma'lum qilishicha, "Qizilqum" hujumchisining jarohat tashxisi aniq bo'lsa-da, u haqdagi yakuniy xulosa qo'shimcha tibbiy tekshiruvlardan keyingina chiqariladi.

Umid qilamizki, oqsab turgan chizig'imizning muhim vakili yana safga qayta oladi.