"Lids" futbolchisi Ispaniyada qolishni istaydi

"Lids"ning Ispaniya ikkinchi divizioni klubi "Ibitsa"da ijarada o'ynayotgan futbolchisi Mateush Bogush Angliyaga qaytmoqchi emas. 20 yoshli yarim himoyachi o'z niyatini aniq ochiqladi:

"Men "Ibitsa"da o'zimni yaxshi his qilaman. Biz to'p nazoratiga ko'proq ahamiyat beramiz. Bu esa menga yoqadi. Bu uslub mening o'yinimga ham mos. Agar imkonim bo'lganida, men shu erda, Ispaniyada qolgan bo'lardim".

"Lids" o'z futbolchisini sotishga qarshi emas. Agar taklif bo'lsa, inglizlar Bogushni 7 million funtga qo'yib yuborishga tayyor bo'ladi.