Belgrad-2021. Mo'ydinxo'jaev ikkinchi g'alabasiga erishdi

Serbiyaning Belgrad shahrida boks bo'yicha erkaklar o'rtasidagi jahon chempionatining uchinchi kun janglari bo'lib o'tmoqda.

Hozirgina 67 kg. vazndagi sportchimiz Asadxo'ja Mo'ydinxo'jaev falastinlik Ahmad Hararaga qarshi ringga ko'tarildi. Hamyurtimiz o'zining chiroyli texnikasi bilan 30 yoshli raqibidan ustun ekanini namoyish etdi. Asadxo'jaev barcha raundlarda to'liq ustunlikka erishdi hamda Hararaga deyarli hech qanday imkoniyat qoldirmadi — 5:0 (30:27, 30:27, 30:27, 30:27, 30:27).

Shu tariqa, Mo'ydinxo'jaev Mundialdagi ikkinchi g'alabasiga erishib, nimchorak final yo'llanmasini qo'lga kiritdi.

Manba: stadion.uz