Ispan matbuoti: Laporta Xavi bilan og'zaki kelishuvga erishdi

«Barselona»ning sobiq yarimhimoyachisi Xavi Ernandes tez orada «ko'k-anorranglilar» bosh murabbiyi bo'ladi. Bu haqda ispan matbuoti xabar bermoqda. Kataloniyaliklar Qatarning «As-Sadd» klubi bilan, klub prezidenti Joan Laporta Xavi bilan og'zaki kelishuvga erishgan.

Xavi Kievning «Dinamo» klubiga qarshi o'yindan so'ng, rasman tanishtirilishi kutilmoqda. Ayni paytda «Barsa»ni  Serxi Barxuan boshqarmoqda.

Eslatib o'tamiz, avvalroq «Barselona» Ronald Kumanni istefoga chiqargan edi.