Rayt: «Raysning klubdan ketishi uchun hech qanday sabab yo'q»

Sobiq futbolchi Ian Rayt Deklan Raysga «Vest Xem»ni tark etishga shoshilmaslikni maslahat berdi. Ma'lumki, «bolg'achilar» sardoriga turli top klublardan qiziqishlar bo'lmoqda. 

«Ko'pchilik Deklanning jamoadan ketishi kerakligini aytishmoqda. Yo'q, u bunday qilmasligi kerak. Hozir «Vest Xem» Premer-liganing kuchli 4 taligida, jamoa o'smoqda.

Deklan o'z jamoasiga sardor. «Vest Xem» Evropa ligasida uzoq yo'l bosib o'tishi mumkin. Nega ketishi kerak? Rays kuchli to'rtlikka kirish vazifasiga e'tibor qaratishi kerak.

Unda klubini o'zgartirish uchun hech qanday sabab yo'q. U «Vest Xem»ni oldinga chorlashi kerak», deydi veteran.