"Yuventus" futbolchisi jarohat oldi

Yuventus" jamoasi himoyachisi Mattia De Shilo Italiya chempionati 10-turidan o'rin olgan "Sassuolo"ga qarshi o'yinda (1:2) jarohat olgan.

Turinliklar matbuot xizmati xabar berishicha, futbolchining to'liq sog'ayib safga qaytishi uchun 10 kun vaqt kerak bo'ladi.

Shunday qilib, De Shilo Chempionlar ligasi 4-turidan o'rin olgan "Zenit"ga qarshi bahs va chempionatning kamida 2 o'yinini o'tkazib yuboradi.

29 yoshli italiyalik futbolchi joriy mavsumda A Seriyaning 5 uchrashuvida qatnashib, 1 golli uzatmani hisobiga yozdirib qo'ydi.