«Chelsi» «Yuventus» futbolchisi uchun «Barselona» bilan raqobatlashmoqchi

Londonning «Chelsi» klubi rahbariyati «Yuventus» himoyachisi Matteys de Ligtni maqsad qilgan, deb xabar beradi Eurosport nashri.

Manbaga ko'ra, «aristokratlar» 22 yoshli gollandiyalikni klubning asosiy transfer maqsadi deb bilishadi. Shartnomasi 2022 yilning o'rtalarida tugaydigan Antonio Ryudiger va Andreas Kritensen London jamoasi lagerini tark etishi mumkin, shuning uchun ularga yozda de Ligt kerak.

To'g'ri, Matteysni qo'lga kiritish oson bo'lmaydi, chunki unga Kataloniyaning «Barselona» jamoasi ham qiziqish bildirgan. Ta'kidlanishicha, ispan klubi vakillari allaqachon futbolchining agenti bilan muzokara olib bormoqda.