Pekin-2008 chempioni G'iyosov - Shimbergenov jangi haqida fikr bildirdi

Qozog'iston sobiq bokschi, Pekin-2008 chempioni Baqit Sarsekbaev Serbiyadagi jahon chempionatida bo'lib o'tadigan Shahram G'iyosov va Aslanbek Shimbergenov o'rtasida jang borasida o'z fikrini bildirib o'tdi.

"O'ylashimcha, Shimbergenov G'iyosovni mag'lub eta oladi. Chunki Shahram professional boksdan qaytdi. Bu esa Bek Nurmaganbetning holatiga o'xshaydi (ushbu sportchi braziliyalik Mochadoga yutqazib qo'ydi — stadion.uz izohi).

Ammo Shimbergenov o'sishdan to'xtab qoldi. Jahon chempionatidan oldin Qozog'istonda qandaydir musobaqa tashkil qilish va unda bokschilarimiz ishtirok etishi kerak edi. Aslanbekning g'alaba qozonish imkoniyat yuqori.

Umuman olganda, Jahon chempionatiga qanday tamoyil asosida sportchilarni tanlab olishgani men uchun tushunarsiz. Qozog'iston chempionligini qo'lga kiritgan ba'zi bokschilar uyda qolgan bo'lsa, chempionlikka erishmaganlari JChga yo'l olishdi", — dedi Sarsekbaev.