AIBA atletlar qo'mitasi saylovi uchun nomzodlarni e'lon qildi, ular orasida Bahodir Jalolov ham bor

AIBA atletlar qo'mitasiga saylanishi mumkin bo'lgan 27 nafar nomzod bokschi nomini e'lon qildi.

Quvonarlisi, nomzodlar qatorida hamyurtimiz, Tokio Olimpiadasi chempioni, jahon chempioni Bahodir Jalolov ham bor.

Ushbu 27 nafar sportchi ichidan 10 nafar nomzod a'zolikka saylanadi. Jahon chempionatida qatnashayotgan har bir bokschi ushbu jarayonda ovoz berish huquqiga ega. Saylovlar yashirin ovoz berish jarayonida aniqlanadi.

Osiyo mintaqasidan Bahodirdan tashqari Ablayxan Jusupov (Qozog'iston), Avays Ali Xan (Pokiston) va Shiva Tapa (Hindiston) nomzodi ko'rsatilgan.

O'zbekiston boks federatsiyasi matbuot xizmati