"Barselona"ning keyingi murabbiyi kimligi ma'lum (mi?)

Jamoa sobiq yarim himoyachisini bosh murabbiy etib tayinlamoqchi.

Ispaniyaning El Chiringuito telekanali bergan ma'lumotlarga ko'ra, kataloniyaliklar prezidenti Joan Laporta vazifasidan ozod qilingan Ronald Kumanning o'rniga Qatarning "As-Saad" jamoasi bosh murabbiyi va sobiq "Barsa" yarim himoyachisi Xavini olib kelmoqchi. Barcha tafsilotlar bugun aniq bo'ladi, deyiladi xabarda.

Eslatib o'tamiz, niderlandiyalik mutaxassis La Liganing 10-turidan o'rin olgan "Rayo Valekano"ga qarshi mag'lubiyatdan (1:0) so'ng iste'foga chiqarilgan edi.