Bugun - Allegri uchun unutilmas kun

A Seriya 10-turi doirasida «Yuventus» o'z maydonida «Sassuolo»ni qabul qilmoqda.

Bu Massimiliano Allegri uchun turinliklar bosh murabbiyi sifatida chempionatdagi 200-o'yini hisoblanadi. Bunga qadar faqat ikki nafar mutaxassis ushbu marrani zabt etishgan - Jovanni Trapattoni va Marchelo Lippi.

Allegri «Yuventus»da 2021 yilning yozidan beri ishlab kelmoqda. Bunga qadar u 2014-2019 yillarda ham "keksa senora"ni boshqargan va 5 marta Italiya chempioni, to'rt marotaba Italiya kubogi ham ikki bor Italiya Superkubogi sohibiga aylangan.