Salohning futbolchilik faoliyati Misr maktablarida o'rganiladi

"Liverpul" va Misr terma jamoasi hujumchisi Muhammad Salohning futbol karerasi va xayriya ishlari uning mamlakatidagi boshlang'ich va ikkinchi darajali ingliz tili darsliklarida aks ettiriladi.

Ma'lumotlarga ko'ra, futbolchining hayotidan olingan faktlar o'quvchilarni o'z oldiga yuksak maqsadlar sari ilhomlantiradi degan umidda Misr milliy o'quv dasturiga kiritilgan.

29 yoshli Saloh butun faoliyati davomida Premer-liga, Chempionlar ligasi, UEFA Superkubogi, klublar o'rtasidagi jahon chempionati va boshqa turnirlarda g'olib chiqqan. Shuningdek, Misr terma jamoasi bilan birgalikda Afrika Millatlar Kubogini qo'lga kiritgan.