«MYu» futbolchilari Sulsherning iste'fosiga qarshi emas

«Manchester Yunayted» o'yinchilari bosh murabbiy Ule-Gunnar Sulsherning iste'fosiga qarshi emas. Bu haqda "The Independent" nashri xabar tarqatdi.

Manbaga ko'ra, futbolchilar va murabbiy o'rtasidagi munosabatlar joyida, ammo rahbariyat mutaxassisni iste'foga chiqaradigan bo'lsa, o'yinchilar ushbu qarorni qo'llab-quvvatlashadi.

Futbolchilarning fikricha, so'nggi o'yinlardagi muvaffaqiyatsizliklarga taktik xatolar sabab bo'lgan. O'yinchilar o'z sha'niga bo'layotgan tanqidlarni asossiz deya hisoblashmoqda. Shu bois, jamoaning ichida yangi murabbiyni olib kelish borasida muhokama kechmoqda.