Belgrad-2021. Shohjahon Abdullaev alamli tarzda yutqazib qo'ydi

Serbiyada boks bo'yicha jahon chempionatida yana bir yo'qotishga uchradik.

86 kg. vaznda ringga ko'tarilgan Shohjahon Abdullaev juda alamli mag'lubiyatni tortdi. U belgiyalik Viktor Shelstritga qarshi jangda g'alabaga juda yaqin turgandi.

Birinchi bo'limda tengkurashlar ostida kechgan bahsda hakamlarning 3 nafari ustunlikni hamyurtimizga berdi. Ikkinchi raundda Shohjahon faolllikni oshirdi va raqibga ko'plab zarbalar berdi. Natijada belgiyalik bokschi qiyin ahvolga tushib qoldi. Abdullaev bundan xotirjamlikka berildi shekilli, bo'lim tugashiga 1 soniya qolganida raqibning kuchli zarbasini o'tkazib yuborib, nokautga uchradi.

Shu tariqa, Hasanboy Do'smatovdan so'ng Shohjahon Abdullaev ham JChni tark etdi.