«Real Madrid» bugun yubiley g'alabasini qo'lga kiritishi mumkin

«Real Madrid» bugun tunda o'zining tarixiy 2500-g'alabasini qo'lga kiritishi mumkin. Buning uchun «qaymoqranglilar» «Osasuna»ni mag'lub etishlari kerak.

«Real Madrid» o'zining 119 yillik davri davomida 2499 ta o'yinda g'alaba qozongan. «Qirollik klubi» 808 o'yinda durangga erishgan bo'lib, 916 marta mag'lubiyatga uchragan.

Ispaniya La Ligasining navbatdagi turidagi «Real Madrid» - «Osasuna» uchrashuvi bugun tunda «Santyago Bernabeu» stadionida bo'lib o'tadi. Uchrashuv 00:30da boshlanadi.