Osiyo chempionati. Saralash. O'zbekiston U-23 penalti evaziga 1 ochkoni qo'lga kiritdi

Toshkentda bo'layotgan 23 yoshgacha bo'lgan futbolchilar o'rtasidagi Osiyo chempionati «D» guruhining dastlabki uchrashuvi yakunlandi. Unda O'zbeksiton U-23 jamoasi Saudiya Arabistoni yoshlariga qarshi maydonga tushib, 2:2 hisobidagi durangni qayd etishdi. Uchrashuvdagi hisob mehmonlar tomondan ochildi. 40-daqiqada sudiyaliklar futbolchisi Hamid Abdulloh o'yindagi dastlabki golni kiritdi — 0:1.

Oradan 5 daqiqa o'tib, vakillarimiz muvozanatni tiklashdi. Gol muallifi —Otabek Jo'raqo'ziev —1:1.

Uchrashuvning dastlabki bo'limi 1:1 hisobida yakunlandi.
Ikknchi taym avvalida, raqiblarimiz yana hisobda oldinga chiqib olishdi. 46-daqiqada Abdulmuhsin Alqahtani jamoasini hisobda oldinga olib chiqdi —1:2.

78 daqiqada mehmonlar futbolchisi o'z jarima maydoni ichida qoida buzdi va vakillarimiz penalti tepish imkoniyatiga ega bo'lishdi. 11 metrlik nuqtaga kelgan Jasur Jaloliddinov zarbada adashmadi  va hisobni yana tenglashtirdi — 2:2.

O'yinninng qolgan daqiqalarida har ikki jamoada ham gol urish uchun imkoniyat bo'ldi, biroq uchrashuvda hisob boshqa o'zgarmadi.

O'zbekiston U-23 - Sudiya Arabistoni U-23 - 2:2


Gollar: Hamed Abdulloh Al Gamdi - 40, Otabek Jo'raqo'ziev -45, Abdulmuhsin Al Qahtani - 46, Jasur Jaloliddinov - 79.

Saudiya Arabistoni: 22.Abdulrahmon Anvar Al Shammari, 4.Xalifa Odil Al Davsari, 5.Jihod Txikri, 8.Hamed Abdulloh Al Gamdi, 12.Navaf Bu Vashl, 14.Mansur Fayoz Al Beshi, 15.Hussayn Ahmad Al Issa, 16.Ziyad Muborak Al Johani, 19.Abdulloh Al Hamddan, 20.Muhammad Al Kunaydri, 23.Abdulmuhsin Al Qahtani.

O'zbekiston: 12.Vladimir Nazarov, 2.Saidazamat Mirsaidov, 4.Abubakr Rizo Turdaliev, 5.Muhammadqodir Hamraliev, 7.Xojimat Erkinov, 10.Jasur Jaloliddinov, 11.Otabek Jo'raqo'ziev, 17.Diyor Xolmatov, 19.Hamidxon Rustamxonov, 20.Diyorbek Rahimqulov, 22.Alisher Odilov.

Ogohlantirish: 26 - Saidazamat Mirsaidov, 29 - Mansur Fayoz Al Beshi, 55 -Jasur Jaloliddinov, 87 - Sunnatulloh Hamidjonov