Ten Xag «Nyukasl Yunayted» taklifini rad etdi

«Nyukasl Yunayted» rahbariyati «Ayaks» bosh murabbiyi Erik ten Xag bilan bog'landi. «Qarg'alar» o'z loyihasini boshqarish uchun ushbu mutaxassisni jamoaga taklif qilishmoqchi, hamda gollandiyalik murabbiyga bir mavsum uchun 6 million evro to'lashga tayyor edi.

Ten Xag Premer-ligadan tushib ketish arafasida turgan klubni boshqarishdan bosh tortdi.

Erik «Ayaks»dan mamnun va Gollandiya chempionati oltin medallari uchun kurashda davom etmoqchi.  

«Nyukasl» jamoasini qabul qila oladigan va unga Angliya Premer-ligasidagi o'rnini saqlab qolishga yordam beradigan murabbiy qidirishni davom ettirmoqda.