«Ular Sulsherni ishdan bo'shatishmasa, ettinchi o'rinni egallashadi»

Angliya terma jamoasining sobiq hujumchisi jamoaga zudlik bilan sifatli murabbiy kerak, deb hisoblaydi.

Darren Bent Ole-Gunnar Sulsher boshchiligidagi «Manchester Yunayted»ning istiqbollari haqida fikr bildirdi.

«Agar ular «Liverpul» yoki «Atalanta»ga qarshi o'ynagandek harakat qilishda davom etsa, top-8 dan istalgan jamoa ular ustidan g'alaba qozonadi. Bu maksimal ettinchi o'rin. Ishonamanki, Sulsher bilan bundan ortig'iga erishib bo'lmaydi», - deydi Bent.

Ayni damda «Manchester Yunayted» qo'shimcha ko'rsatkichlar bo'yicha bir qancha raqiblarini ortda qoldirib, ettinchi pog'onani egallab turibdi.