Belgrad-2021. Ja'farov ishonchli g'alabaga erishdi

Belgraddagi boks bo'yicha jahon chempionatining 75 kilo vazn toifasida hamyurtimiz Saidjamshid Ja'farov musobaqadagi ilk jangini o'tkazdi. Unga slovakiyalik Lukas Fernaza raqiblik qildi.

Vatandoshimiz jangni to'liq o'z nazoratida ushlab turdi. U raunddan raundga o'z ustunligini oshirib bordi hamda raqibga hech qanday imkoniyat qoldirmadi. Ja'farovning g'alabasi hakamlarning baholarida ham aks etdi — 30:27, 30:27, 30:26, 30:25, 30:25.

Saidjamshid 1/16 final bosqichida yaponiyalik Yuito Morivakiga qarshi ringga ko'tariladi. Bu jang 30 oktyabr kuni bo'lib o'tadi.