Umtiti safga qaytmoqda

"Barselona" himoyachisi Samuel Umtiti ushbu hafta oxirigacha jamoa mashg'ulotiga qaytadi. Frantsiyalik futbolchi tizzasidan olgan jarohatini davolash uchun hozirda Qatarda bo'lib turibdi.

Shu kunlarda u Kataloniyaga qaytadi va yana bir marta klub shifokorlari ko'rigidan o'tadi. Shundan so'ng Umtitining mashg'ulotni boshlashi mumkinligi haqida xulosa chiqariladi. Bundan tashqari, Samuel jarrohlik stoliga yotishi ehtimoli ham yo'q emas.

Ma'lumot o'rnida. "Barselona" rahbariyati Umtitining o'rnini bosish uchun "Chelsi" himoyachisi Andreas Kristensenni ijara olishni rejalashtirmoqda. Samuel Umtiti jarohatlar tufayli La liganing ushbu mavsumida 7ta o'yinda maydonga tushdi.