Belgrad-2021. Do'smatov Bibosinovga yutqazdi

Serbiyadagi boks bo'yicha jahon chempionatining 51 kg. vazn toifasidan finaldan oldingi final jangi bo'lib o'tdi. Hasanboy Do'smatov va qozog'istonlik Saken Bibosinov o'rtasida bahs qiziqarli kechdi.

Birinchi raund tengma-teng zarbalar ostida kechdi. Hakamlarning 4 nafari qo'shni yurt bokschisining ustunligini qayd etdi.

Hamyurtimiz ikkinchi raundda faollikni oshirdi va zarbalar soni va sifatini oshirdi. Shunga qaramay, bu safar hakamlarning ikki nafar Hasanboyga, uch nafari esa Sakenga ustunlikni berdi.

Do'smatov so'nggi raundda tavakkalchilikka borib, nokaut uchun ishlashga harakat qildi. Hattoki raqibning qoshini yordi. Ammo so'nggi bo'limni hakamlar Bibosinovga berishdi.

Yakuniy baho — 0:5 (28:29, 28:29, 28:29, 27:30, 27:30). Do'smatov JChni erta tark etdi.