"MYu"ning afsonaviy murabbiyi Sulsher himoyasiga chog'landi

"MYu"ning afsonaviy murabbiyi Ser Aleks Fergyuson klubning Karringtondagi mashg'ulotlar maydoniga tashrif buyurgan. Bu haqda "Manchester Evening News" xabar qildi.

Unga ko'ra, Fergyuson mavjud vaziyatni yumshatish va Sulsherni shaxsan himoyasiga olgani etib kelgan. "Liverpul"ga sharmandali mag'lubiyatdan keyin Sulsherga nisbatan bosim keskin ortib ketgan edi. Uning klubdagi kelajagi so'roq ostida qolganligi haqida ham xabarlar tarqatilgandi.

Ammo eng so'nggi berilgan ma'lumotda uning klubda qolishi aytiladi. Avvalroq "MYu" rahbariyati Antonio Konte bilan bog'langanligi haqida xabar qilingandi.