Verratti jiddiy jarohat oldi

"PSJ" yarim himoyachisi Marko Verratti jarohati sabab 4 haftani o'tkazib yuboradi. Frantsiya klubi matbuot xizmati xabariga ko'ra, futbolchining chap oyoq son qismida jarohat aniqlangan.

28 yoshli italiyalik Frantsiya chempionatining 11-turidan o'rin olgan “Marsel”ga qarshi o'yinda (0:0) jarohat oldi.

Veratti Chempionlar Ligasi doirasidagi "PSJ" - "Leyptsig" o'yinini (3 noyabr) va ichki chempionatda kamida 3 uchrashuvni o'tkazib yuborishi aniq.

Shuningdek, futbolchi JCh-2022 saralash turnirining so'nggi o'yinlarida Italiya terma jamoasiga yordam bera olmaydi. Italiyaliklar noyabr oyida Shveytsariya (12 noyabr) va Shimoliy Irlandiya (15 noyabr) bilan o'ynlarda ham qatnasha olmaydi.