«Manchester Siti» «Ayaks» futbolchisiga xaridor bo'lmoqda

«Manchester Siti» rahbariyati Amsterdamning «Ayaks» klubi hujumchisi Antoni Mateus dos Santosga qiziqish bildirmoqda, deya xabar beradi Goal nashri. Shuningdek, kataloniyalik «Barselona» va Myunxenning «Bavariya» skautlari ham futbolchiga ko'z tikishmoqda.

Futbolchining «qizil-oqlar» bilan amaldagi shartnomasi 2025 yilgacha mo'ljallangan, Antonining narxi esa 25 million evroga baholanmoqda.

2021/2022 yilgi mavsumda futbolchi 10 ta uchrashuvda ishtirok etib, 4 ta gol urdi va 2 ta golli uzatmani amalga oshirdi.