"Barselona" yosh iqtidorni sotib olmoqchi emas

Futbolchi o'tgan yozda jamoaga kelib qo'shilgan edi.

Ispaniyaning "Sport" nashri tarqatgan ma'lumotlarga ko'ra, "ko'k-anorranglilar" bosh murabbiyi Ronald Kuman o'tgan yozda jamoaga ijara asosida kelib qo'shilgan avstriyalik iqtidor Yusuf Demirga ortiq ishonmoqchi emas. Mavsumning boshida bir necha o'yinlarda ishtirok etgan vingerning o'yinlari niderlandiyalik murabbiyga yoqmagan va endi futbolchining klubdagi kelajagi noma'lum bo'lib qolmoqda, deyiladi xabarda.

Joriy mavsumda 18 yoshli Demir kataloniyaliklar uchun La Ligada 4 o'yin o'tkazib, samarali harakatlar amalga oshirmagan.