Muxlislar U-23 o'yinlarini stadiondan bepul tomosha qilishlari mumkin

O'zbekiston futbol assotsiatsiyasi OFKga yurtimiz maydonlarida bo'lib o'tadigan U-23 Osiyo kubogi saralash bosqichi uchrashuvlariga tomoshabinlar bepul kiritilishi borasida so'rovnoma yubordi.

OFK va O'FAning o'zaro muzokaralaridan so'ng barcha futbol muxlislari “Paxtakor” va “JAR” maydonlarida bo'lib o'tadigan saralash o'yinlarga bepul kirishlari, O'zbekiston yoshlar terma jamoasini stadiondan turib qo'llab-quvvatlashlari mumkin bo'ldi.

Eslatib o'tamiz, uchrashuvlar 27-oktyabr – 2-noyabr kunlari oralig'ida o'tkaziladi.