Britaniyalik jurnalist eng engil vaznda o'zbekistonlik bokschining chempion bo'lishini taxmin qildi

Britaniyalik jurnalist Teylor O’Xiggins Belgrad shahrida boshlangan boks bo'yicha jahon chempionatining eng engil vazn toifasi (48 kg.)da qaysi sportchi g'olib chiqishini taxmin qildi.

«48 kilogramm: Chorak final bosqichida katta ehtimol bilan o'zbekistonlik Nodirjon Mirzahmedov chorak finalda qozog'istonlik Temirtas Jusupov bilan to'qnash keladi. Unda g'olib chiqqan bokschi esa JChda oltin medalni qo'lga kiritadi. Men bu to'qnashuvda ustunlikni o'zbek sportchisiga bergan bo'lardim. U yaqin masofada raqibiga nisbatan yaxshiroq. Mirzahmedov finalgacha etib borib, unda Qirg'iziston vakili Turkbay uuluni mag'lub etadi», — deya yozdi Teylor tvitter orqali.

Eslatib o'tamiz, Nodirjon Mirzahmedov 2021 yilda Dubayda bo'lib o'tgan Osiyo chempionati finalida qozog'istonlik boshqa bokschi Daniyal Sabitni mag'lub etib, g'oliblikni qo'lga kiritgan edi.