Van de Bek "Manchester Yunayted"ni tark etish yo'lini topdi

"Manchester Yunayted" yarim himoyachisi Donni van de Bek agentini o'zgartirishga qaror qildi, deb xabar beradi Angliyaning "Metro" nashri.

Ma'lumotlarga ko'ra, 24 yoshli niderlandiyalik futbolchi "Manchester Yunayted"dagi holatidan norozi va boshqa klubga o'tish niyatida. Buning uchun futbolchi o'z transferini tezlashtirish maqsadida agentini almashtirishga qaror qildi. Qayd etilishicha, yarim himoyachiga "Everton", "Nyukasl" va "Yuventus" klublari qiziqish bildirmoqda.

2021/22 yilgi mavsumda Van de Bek "MYu" safida 3 uchrashuvda qatnashib, jami 141 daqiqani maydonda o'tkazdi va samarali harakatlar amalga oshirmadi. Transfermarkt portali futbolchining narxini 25 million evroga baholamoqda.