«Nyukasl» 600 million evro sarflashi va moliyaviy feyr-pley qoidalarini buzmasligi mumkin

«Nyukasl» muxlislari klubning sobiq xo'jayini Mayk Eshlidan nafratlanishsada, ketishdan oldin unga transfer bozorida biznes yuritgani uchun minnatdorchilik bildirishlari kerak.

Gap shundaki, Eshli Saudiya Arabistonidan kelgan yangi investorlarga katta miqdorda mablag' sarflash va shu bilan moliyaviy feyr-pley qoidalarini buzmaslik imkoniyatini qoldirdi, deb yozadi Britaniyaning The Sun nashri.

Manbaga ko'ra, raqamlar «Nyukasl» keyingi ikki transfer oynasida 600 million evroga yangi o'yinchilarni sotib olishi mumkinligini ko'rsatmoqda.