Bir necha soat ichida barchasi hal bo'ladi

«Inter» sobiq bosh murabbiyi Antonio Konte «Manchester Yunayted»ni boshqarishi mumkin.

Insayder Fabritsio Romanoning so'zlariga ko'ra, yaqin soatlar yoki kunlarda ingliz klubi rahbariyati «Yunayted»ning amaldagi ustozi Ole-Gunnar Sulsherning kelajagi haqida qaror qabul qiladi.

Agar norvegiyalikni ishdan bo'shatish to'g'risida qaror qabul qilinsa, Konte «qizil iblislar» boshqaruviga keladi.

Shu daqiqagacha klub vakillari va murabbiy o'rtasida hech qanday muzokara bo'lmaganligi qo'shimcha qilinadi.

Eslatib o'tamiz, kecha «Manchester Yunayted» o'z maydonida «Liverpul»ga 0:5 hisobida mag'lub bo'ldi.