Messi - "Oltin to'p" uchun kurashda yaqqol favorit

Ispaniyaning "Marca" nashri “Oltin to'p” uchun kurashda favoritni aniqlash maqsadida o'quvchilar o'rtasida so'rovnoma o'tkazdi.

Ovoz berishlar natijasiga ko'ra argentinalik Lionel Messi eng ko'p ovoz to'pladi - 34 foiz. Ikkinchi o'rinda Frantsiya terma jamoasi va "Real Madrid" hujumchisi Karim Benzema egalladi - 26 foiz. Kuchli uchlikni polyak Robert Levandovski yakunlab berdi - 11 foiz.

Messi 2021-yilda “Barselona”, “PSJ” va Argentina terma jamoasi safida 48ta o'yinda maydonga tushib, 40ta gol urdi va 14ta golli uzatmani amalga oshirdi.