A seriya. Yakshanba kungi o'yinlarda 4 murabbiy chetlatildi

Italiya chempionatining 9-turi doirasida bo'lib o'tgan yakshanba kungi o'yinlarda 4ta jamoa bosh murabbiyiga qizil kartochka ko'rsatildi.

«Roma» - «Napoli» bahsida (0:0) mezbonlar ustozi Joze Mourino bosh hakam Davide Massaning qaroriga e'tiroz bildirgani uchun 2ta sariq kartochka bilan jazolandi. Neapollik bosh murabbiyi Luchano Spalletti esa o'yindan so'ng hakam Massani olqishladi. Ammo referi buni istehzo sifatida qabul qildi va Spallettiga qizil kartochka ko'rsatdi.

«Inter» – «Yuventus» uchrshauvida (1:1) milanlik bosh murabbiyi Simone Indzagi bosh hakam Mauritsio Marianiga qarab baqirgani uchun chetlatildi. Boisi, bahsning 89-daqiqasida referi "neradzurri" darvozasi tomon penalti belgiladi. Uni Paulo Dibala aniq amalga oshirib, hisobni tenglashtirdi.

«Atalanta» va «Udineze» jamoalari o'rtasidagi o'yinda (1:1) mezbonlar ustozi Jan Pero Gasperini maydondan chetlatildi.

Gasperini esa nima uchun chetlatilganini tushunmaganini aytdi: «Men hech kimga jahl qilmadim. Nima uchun meni maydondan chetlatganini tushunmadim. Referi oldimga keldi, hech narsa demadi va qizil kartochka ko'rsatdi. Yon chiziqda hech kim e'tiroz bildirmagandi».