«Kamp-Nou»da «Real Madrid» «Barselona»ni ayamadi

Ispaniya La Ligasi 10-turidan o'rin olgan eng markaziy uchrashuv yakunlandi. «El-klasiko» maqomida o'tadigan «Barselona» – «Real Madrid» bahsida madridliklar 2:1 hisobida g'alaba qozondi. Dastlabki 45 daqiqalikni Madrid klubi 1:0 hisobidagi g'alaba bilan yakunladi. Anchelotti jamoasi bahsning 32-daqiqasida qarshi hujum uyushtirishdi va hisobni ochishdi. Rodrigo Goesning uzatmasidan keyin himoyachi David Alaba raqib jarima maydoniga kirar-kirmas olis burchak sari aniq va kuchli zarba berdi. Ter Shtegen esa to'pga tashlandi, ammo uni qaytara olmadi.
Bahsning ikkinchi bo'limi teng-kurashlar ostida boshlandi va har ikkala jamoa ham raqib jarima maydoni atrofidan o'z omadini sinab ko'rishdi. Ammo, taym oxirigacha ikki jamoaga ham gol urish nasb qilmadi. O'yinga qo'shib berilgan daqiqalarning «Barsa» himoyachilarining e'tiborsizligidan foydalangan Marko Asensio chap qanot bo'ylab qarshi hujumga o'tib ketdi. Ammo, uning zarbasi yo'liga Ter Shtegen to'g'anoq bo'ldi. Biroq, qaytgan to'pni Vaskes bo'sh darvozaga kiritdi – 0:2. Oradan bir necha daqiqa o'tgandan so'ng, «ko'k-anorranglilar» o'ng qanotdan hujum uyushtirishdi va vaziyatni Aguero gol bilan yakunlab, klub safidagi debyut golini kiritdi – 1:2. Bahsning qolgan daqiqalarida gol urish hech qaysi jamoaga nasib qilmadi.

«Barselona» – «Real Madrid» - 1:2

Gollar:  0:1 – 32 Alaba, 0:2 – 90 Vaskes, 1:2 – 90+7 Aguero

Barselona – ter Stegen, Mingesa (Koutino, 46), Pike, Erik Garsiya, Alba, Buskets, de Yong (Serdji Roberto, 77), Gavi, Dest, Depay, Fati (Aguero, 74).

Real Madrid – Kurtua, Alaba, Militao, Mendi, Modrich, Kroos, Kazemiro, Vaskes, Benzema, Vinisius Junior, Rodrigo (Valverde, 72).

Ogohlantirishlar: Pike (58), Mendi (80).