«Leyptsig» futbolchisi «Barselona»ga o'tmaydigan bo'ldi

Mundo Deportivo nashri xabariga ko'ra, «Barselona» «Leyptsig»ning ispaniyalik yarimhimoyachisi Dani Olmo transferi borasida kelisha olmaydi.

Manbaning xabariga ko'ra, nemis klubi futbolchi uchun bonuslar bilan birga 60 million evro talab qilmoqda, biroq kataloniyaliklar bu summani to'lashga tayyor emas. Shunday qilib, yarimhimoyachining qishki transfer oynasiga o'tishi dargumon.

Joriy mavsumda 23 yoshli Olmo «Leyptsig» safida barcha turnirlarda uchta o'yin o'tkazib, bitta golli uzatmani amalga oshirdi. Uning klub bilan shartnomasi 2024 yilning yozigacha amal qiladi.