Toshkent derbisi muammolarni ko'rsatib berdi

Bugun bo'lib o'tgan uchrashuv klublarning darajasini yaqqol ko'rsatib berdi. Bugun OChLda harakat qilayotgan klublarimizning o'yinlarini taxlil qilishga urunib ko'ramiz.

"Lokomativ"

Amaldagi chempion yangi mavsumni ancha yangilangan tarkibda boshlagani pand bermoqda. Avvaliga,  OChLda ochko olish mumkin bo'lgan uchrashuvda mag'lubiyatga uchragan temir yo'lchilar bugun Toshkent derbisida ham ancha sust ishtirok etishdi.

Klubda hamjihatlik va jamoaviy o'yin yaxshi yo'lga qo'yilmagan. Abduholiqov va Raevats  hali to'liq o'z fo'rmasiga kirib ulgurishmagani yaqqol namoyon bo'ldi. Bundan tashqari hujumlarni boshlab beruvchi rolida katta sahnaga chiqishi kerak bo'lgan Iskanderov sira o'ziga o'xshamayapti. Uning keskin hujumlarlar boshlab berishi uchun yaratilgan pozitsiya bugun ham deyarli ishlamadi.   

Andrey Fyodorov so'nggi o'yinlarda qanotlarga tayangan xolda pozitsion hujum uyishtirishga moslashgan  taktikani tanlamoqda. Bir qarashda ustunlik «Loko» tarafida bo'ldi, ammo vaziyatlarning 80  foizi havfli tus olmasdan yakuniga etdi. Bu esa, o'z navbatida katta kuch yo'qotilishiga sabab bo'lmoqda. «Lokomativ» bugun deyarli barcha golni qarshi xujumlar evaziga o'tkazib yubordi. Bu uslub klub uchun foydadan ko'ra zarar keltirmoqda.
«Loko» yangi mavsumga to'liq kirishib keta olmadi. Andrey Fyodorov tezroq jamoani shakllantirishi zarur, aks xolda OChL da muhim ochkolarni boy berishimiz mumkin!

"Paxtakor"

Sherlar bugungi raqiblariga nisbatan yangi mavsumga kuchliroq tayyorgarlik ko'rshdi deya olmaymiz. Shunchaki Arveladze o'z uslubiga mos futbolchilarni o'z jamoasida yig'ishni uddasidan chiqdi. Klub so'nggi o'yinlarda ancha ijobiy natija va chiroyli futbol ko'rsatmoqda. Bu esa, o'z navbatida muxlislarning stadionga qaytishini ta'minlamoqda.

E'tiborlisi Arveladze shogirdlari o'ta hamjihat va jamoa sifatida shakllanib bormoqda. Istalagan futbolchi o'rnini to'liq bosa oluvchi futbolchining tarkibda bor ekanligi esa, sog'lom raqobatni ta'minlamoqda. To'g'ri, ayrim kamchiliklar yo'q emas, biroq quvonarlisi «sherlar» keskir paslar va havfli qarshi xujumga chiqish evaziga Evropa futbolini singdirishga urunishmoqda. Quvonarlisi, klub hujumga o'tganida 3,yo 4 kishi bilan ham jiddiy hujum uyushtirmoqda. Bugungi uchrashuv so'zlarimizga yaqqol misol deya olamiz

Arveladze tarkibdagi rotatsiyaga katta urg'u berishi shart! Yo'qsa  OChL dagi uchrashuvlarda futbolchilarimizda charchoq alomatlari sezilishi mumkin. Murabbiy yangi mavsumni yaxshi boshladi va shu tempda tugatishiga tilakdoshmiz.

Xulosa

Ikki klubimiz bugungi uchrashuvda ajoyib o'yin ko'rsatishdi va o'z kamchiliklarini to'liq ko'rib olishdi. Bu kamchiliklar OChL o'yinlarigacha to'g'irlanishi kerak. Bu ikki klubimiz nafaqat o'z sha'ni, balki o'zbek futboli sha'ninii xalqaro arenalarda himoya qilmoqdalar. Bundan tashqari ularning ishtiroklari keyingi mavsumda OChLda harakat qiladigan klublarimiz sonini oshirish imkoni borligi, ularning elkalariga ikki xissa ma'suliyat yuklaydi. Umid qilamizki, O'zbekiston klublari o'z o'yinlari evaziga OChLda 4 ta kvotamizni ortga qaytara olishadi.