APL. «Manchester Siti» «Brayton»ni mag'lub etdi, Foden dublga erishdi

Angliya chempionatining 9-turi doirasida «Manchester Siti» safarda «Brayton» klubi mehmoni bo'lib, ishonchli g'alabani qo'lga kiritdi.

"Shaharliklar" birinchi bo'limda o'yin taqdirini deyarli hal qilib qo'yishdi. 13-daqiqada Gyundogan hisobni ochgan bo'lsa, taym o'rtalarida Foden ikkita gol urib, hisobni yirik ko'rinishga keltirdi.

Gvardiola jamoasi ikkinchi bo'limda tejamkor rejimda harakat qilgan bo'lsa, "Brayton" faollik oshirdi. Mezbonlar o'yin tugashiga 10 daqiqa qolganida penalti ishlashdi va undan Mak Allister samarali foydalandi.

Ikkinchi bo'limga qo'shib berilgan daqiqalarda esa Riyod Mahrez qulay vaziyatdan aniq zarba berib, hisobni 1:4 ko'rinishga keltirib qo'ydi.

"Siti" ushbu g'alabadan so'ng o'z ochkolarini 20taga etkazib, 2-pog'onaga ko'tarilib oldi.

Angliya chempionati, 9-tur
Brayton – Manchester Siti 1:4 (0:3)
Gollar: 0:1 – 13 Gyundogan, 0:2 – 28 Foden, 0:3 – 31 Foden, 1:3 – 81, penalti Mak Allister.
Brayton – Sanches, Dank, Bern (Lempti, 57), Veltman, Kukurelya, March, Lallana, Gross (Mak Allister, 72), Moder, Trossard, Mope (Mvepu, 58).
Manchester Siti – Ederson, Uoker, Laport, Ruben Diash, Joau Kanselu, Gyundogan (Fernandino, 75), Bernardu Silva, Rodri, Grilish (de Bryuyne, 77), Foden, Gabriel Jezus (Mahrez, 87).
Ogohlantirishlar: Uoker (22), Joau Kanselu (60), Moder (63), Lallana (70), Ederson (84).